Afite ubumenyi yakuye muri FBI, Col. (Rtd) Jeannot Ruhunga wahawe kuyobora RIB ni muntu ki?

Col(Rtd) Ruhunga Kibezi Jeannot yavutse mu 1964, arubatse akaba anafite abana.

Yinjiye mu Gisirikare cya RPA mu Kuboza 1990.

Afite impamyabushobozi y’Icyiciro cya Gatatu mu bijyanye n’Ububanyi n’Amahanga yakuye muri Kaminuza ya Nairobi muri Kenya; iy’icya Gatatu cya Kaminuza mu bijyanye n’Imiyoborere yakuye muri Kaminuza muri Ghana Institute of Management and Public Administration (GIMPA).

Afite impamyabushobozi y’Icyiciro cya Kabiri cya Kaminuza mu mategeko yavanye muri Kaminuza Nkuru y’u Rwanda; iyo yavanye mu Ishuri rikuru rya Gisirikare muri Kenya.

Yabonye Impamyabumenyi mu gukurikirana ibyaha yabonye mu 2008 muri Kaminuza ya Virginia (USA).

Afite ‘Certificate’ zitandukanye zirimo ijyanye no kugenza ibyaha yabonye mu 2008 ayikuye muri FBI National Academy (USA); iyo kurwanya Iterabwoba yabonye mu 2006 ayikuye muri George Marshall Centre yo mu Budage; iy’Iperereza yakuye i Pretoria muri Afurika y’Epfo mu 2003.

Guhera mu 1994 kugera mu 1995 yabaye Umuyobozi ushinzwe Umutekano ku mupaka wa Gatuna, hagati y’i 1998 – 2003 yabaye Umucamanza mu Rukiko rwa Gisirikare.

Kuva 2000 -2005 yigishije muri Kaminuza ya INLAK isomo rya Criminology, aka kazi uagakoraga agafatanya n’akandi nkaho muri 2003 – 2005 yabaye Umuyobozi ushinzwe Iperereza mu Ngabo z’u Rwanda (J2).

Guturuka muri 2005 -2009 yabaye Komiseri ushinzwe Iperereza muri Polisi y’Igihugu, yaje guhabwa izindi nshingano muri 2009 – 2010 yabaye Commanding Officer of Maintenance Battalion/ Ag Chief J4 RDF.

Kuva  2011 – 2012 yabaye Directing Staff mu Ishuri rikuru rya Gisirikare rya Nyakinama, muri 2012 – 2015  yabaye Directing Staff Kimaka Senior Command and staff College (Uganda) on EAC Directing Staff Exchange Program.

Hagati ya 2015 – 2016 yabaye Umwarimu Mukuru mu Ishuri rikuru rya Gisirikare rya Nyakinama, yahinduriwe inshingano hagati ya 2016 – 2018 agirwa Umuyobozi w’agateganyo w’Ishami rishinzwe Iperereza mu Ngabo z’u Rwanda (J2).

Col. (Rtd) Ruhunga Jeannot avuga neza Ikinyarwanda, Icyongereza, Igifaransa n’Igiswahili, muri Mata 2018 yagizwe umunyamabanga mukuru w’Urwego rw’Igihugu rushinzwe Ubugenzacyaha ‘Rwanda Investigation Bureau’ (RIB).