Buriya ninzobere mu bukanishi, Prof. Silas Lwakabamba ni muntu ki?

Prof. Silas Lwakabamba yavutse mu 1947, avukira muri Tanzania. Ni Umunyarwanda ariko ufite ubwenegihugu bw’inkomoko muri Tanzania.

Yigiye muri Tanzania amashuri abanza ariko aminuriza muri Kaminuza ya Leeds mu Bwongereza mu ishami rijyanye n’ubukanishi (Mechanical Engineering).

Mu 1971 ni bwo yarangije amashuri ahanitse muri Kaminuza ya Leeds, mu 1975 arangiza amashuri y’ikirenga muri Mechanical Engineering na bwo ayigiye muri Kaminuza ya Leeds mu Bwongereza.

Yakoze imirimo myinshi muri Tanzania ndetse no ku rwego rwa Afurika mbere y’uko aza mu Rwanda.

Muri 1997 yagizwe umuyobozi Mukuru w’iyahoze ari KIST, mu mwaka wa 2006 agirwa umuyobozi Mukuru wa Kaminuza y’u Rwanda.

Muri Gashyantare 2013 -kugwza muri Nyakanga 2014 yahawe inshingano zo kuba  Minisitiri w’Ibikorwaremezo.

Muri Nyakanga 2014  kugeza muri Kamena 2015 yabaye Minisitiri w’Uburezi, Kuva mu Ukwakira 2015 kugeza Nzeri 2017 agirwa umuyobozi wa INATEK.

Muri 2021  yagizwe Umuyobozi Mukuru wa Kaminuza ya Coventry ku Mugabane wa Afurika yafunguye ishami mu Rwanda.