Jackson Dushimimana ni muntu ki?

Umunyamakuru Jackson Dushimimana wiyita umugaragu w’ibyegeranyo akaba akorera RedBlue JD iri miyoboro ikomeye ikorera kuri Youtube mu Rwanda ni n’umwe mubabimburiye abandi kurya ku mafaranga ya YouTube ni muntu ki?

Amazina yiswe n’Ababyeyi ni Jackson Dushimimana cyangwa JD, yavutse tariki ya 23 Nzeri mu 1995 avukira mu mujyi wa Kigali ku Kimisagara, avuka mu muryango w’abana batanu ,abakobwa batatu n’abahungu babiri akaba imfura, ni mukuru wa Iradukunda Wilson wamenyekanye kw’izina rya ‘Rutambi’  hagati yabo harimo umukobwa umwe.

Jackson Dushimimana amashuri abanza yayize ku Kimisagara ahazwi nka Kabusunzu, amashuri yisumbuye yayize ku Kibuye asoza afite 73/73 mu ishami ry’imibare, Ubugenge n’ubumenyi bw’isi.

Yagombaga kubona buruse imujyana kwiga mu mahanga ariko muri uwo mwaka buruse zatangagwa na Perezida w’igihugu zakuweho, yigira kwiga muri Kaminuza ya KIST yiga ibijyanye na ‘Architecture’.

Muri 2014 Jackson yitabiriye amahugurwa y’Abanyakoreya yaberaga muri IPRC aha hatangirwaga ubumenyi bwo gukoresha imbuga nkoranyambaga uzibyaza amafaranga.

Muri 2015 yagiye kwiga muri Kaminuza ahungira umuyoboro wa Youtube bikaba byaramworoheye kuko Internet kuyibona byari byoroshye mu kigo.

Kuri iyi shene yashyiragaho ibiganiro byabaga byakozwe na Mwanafunzi na Muhire Munana intego ari ukubibikira ababaga babikeneye akabikora yabanje kubifata amajwi nanone yabaga yakuye kuri Radio.

We rero abikora yisanze Youtube yatangiye kumuhemba, hari n’abandi bacye nka K John na Theo w’ikinyamakuru Ukwezi ariko shene ye yararebwaga kubarusha, mu gihe uyu munsi Youtube iyo ushyizeho ibinyuranyije n’amahame yayo babanza kukwihanangiriza (Warning) icyo gihe ntibyabagaho iyo washyiragaho ibintu bidahuye n’imirongo mig ari ngenderwaho ya YouTube bahitaga shene bayisiba ntiwongere  kuyibona.

Muri 2018 Jackson Dushimimana nibwo yakoze kampani ayita RedBlue JD ashaka n’abakozi, abakora ibyegeranyo, Film ndetse na Comedy arinaho Rutambi yazamukiye.

Yarafite abakozi nka mirongo itatu ahemba, nyuma abonye ibya Filime biri kumugira arabireka asigarana abibyegeranyo na Comedy.

Jackson Dushimimana yaje kubaka aho kampani ye igomba gukorera, maze muri 2022 abakozi be barivumbura bavugako badahembwa aha harimo n’umunyamakuru witwa Abayo Yvette, muribi bibazo byose yasigaranye n’umunyamakuru Jackson Semahoro, icyateye uku kubura amafaranga nuko yari yarashoye mu nyubako.

Abakozi bamaze kugenda yafashe umwanya wo gutekereza uburyo kampani itasenyuka ahitamo kubyikorera.

Jackson Dushimimana ni umugabo ufite umugore n’abana batatu.